Cobhair air triùir iasgairean deas air Eilean Ì
Chaidh an MV Loch Buie a fhreagairt gairm airson cuideachaidh, 's chaidh aiseag Eilein Ì a chur dheth rè ùine ri linn
- Air fhoillseachadh
Rinneadh cobhair air triùir an dèidh do bhàt-iasgaich a dhol ann an duilgheadas faisg air Muile.
Bha na Maoir-Chladaich, an RNLI agus heileacoptair teasairginn an sàs san iomairt.
Chaidh fios a chur air na Maoir-Chladaich mu 08:15m Dihaoine gun robh an soitheach air tòiseachadh a' gabhail uisge mu chòig mìle deas air Eilean Ì.
Chaidh heileacoptair teasairginn à Preastabhaig agus bàtaichean-teasairginn às an Òban agus Ìle a chur chun na làraich.
Chaidh brath a chur a-mach airson soithichean a bha san sgìre cuideachadh a thabhainn.
Fhreagair an MV Loch Buie aig CalMac a' ghairm sin, agus chaidh seirbheis aiseig Eilein Ì a chur dheth rè ùine ri linn.
Thuirt na Maoir-Chladaich gu bheil an soitheach agus an triùir chriutha gan toirt dhan Òban.
