Manchester City no put Yaya Toure for Champions League squad
Wia dis foto come from, Getty Images
Another headache for former Ivory Coast captain Yaya Toure for Manchester City.
Him no dey part of di squad wey travel go Netherlands to play Feyenoord for dia Champions League match dis evening.
Di 34-year old midfielder never play one single minute so far dis season and im no even dey bench on Saturday when City thrash Liverpool 5-0.
Manchester City coach Pep Guardiola say im speak to Toure and say di player know di reason why im no include am.
"Na just sporting decision and na between both of us", Guardiola talk.
Wia dis foto come from, Getty Images
Dis no be new thing for Toure, as di 34years old midfielder find himself for di same situation with Pep Guardiola last season.
Toure no play for di start of last season after him agent badmouth Guardiola as him drop di Ivorian.
Dimitri Seluk, Toure agent bin claim say him client dey humilated by Guardiola after di former Barcelona manager leave di midfielder out for City Champions League squad last September.
End of Di one wey oda users dey read well well
Toure apologise for di "misunderstanding" and him attitude for training been dey enough for Guardiola to call am back.
