ਮੁੰਬਈ ਭਗਦੜ: ਮੀਂਹ ’ਚ ਭੀੜ ਦੇ ਪੁਲ਼ ਤੇ ਚੜ੍ਹਨ ਨਾਲ ਹੋਇਆ ਹਾਦਸਾ

ਸੈਂਟਰਲ ਮੁੰਬਈ ਦੇ ਪਰੇਲ ਰੇਲਵੇ ਸਟੇਸ਼ਨ ਨੂੰ ਐਲਫਿੰਸਟੋਨ ਰੋਡ ਨਾਲ ਜੋੜਨ ਵਾਲੇ ਫੁੱਟ ਓਵਰ ਬ੍ਰਿਜ 'ਤੇ ਹਾਦਸਾ ਵਾਪਰਿਆ।

ਇਹ ਹਾਦਸਾ ਬਾਰਿਸ਼ ਤੇ ਬ੍ਰਿਜ 'ਤੇ ਭੀੜ ਕਾਰਨ ਵਾਪਰਿਆ। ਕੇਈਐਮ ਹਸਪਤਾਲ ਦੇ ਡਾਕਟਰ ਪ੍ਰਵੀਣ ਬਾਂਗਰ ਨੇ ਮ੍ਰਿਤਕਾਂ ਦੀ ਗਿਣਤੀ 22 ਹੋਣ ਦੀ ਪੁਸ਼ਟੀ ਕੀਤੀ ਹੈ।

ਇਹ ਹਾਦਸਾ ਸ਼ੁਕਰਵਾਰ ਸਵੇਰੇ ਹੋਇਆ ਜਦੋਂ ਬਾਰਿਸ਼ ਤੋਂ ਬਚਣ ਲਈ ਲੋਕ ਫੁੱਟ ਓਵਰ ਬ੍ਰਿਜ ਤੇ ਚੜ੍ਹ ਗਏ ਸੀ।

ਮੁੰਬਈ ਦੇ ਸਿਹਤ ਮੰਤਰੀ ਦੀਪਕ ਸਾਵੰਤ ਨੇ ਦਸਿਆ ਕਿ ਮੀਂਹ ਆਉਣ ਕਰਕੇ ਲੋਕ ਰੁਕੇ ਹੋਏ ਸੀ। ਦੋ ਹੇਰ ਰੇਲਗਡੀਆਂ ਆਉਣ ਤੋਂ ਬਾਅਦ ਓਥੇ ਭੀੜ ਇੱਕਠੀ ਹੋ ਗਈ। ਉਨ੍ਹਾਂ ਕਿਹਾ ਕਿ ਫੁੱਟ ਓਵਰ ਬ੍ਰਿਜ ਦੀਆਂ ਪੌੜਈਆਂ ਭੀੜੀਆਂ ਹਨ।

ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਟਵੀਟ ਕਰਕੇ ਘਟਨਾ 'ਤੇ ਦੁਖ ਜ਼ਾਹਿਰ ਕੀਤਾ ਹੈ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀ ਟਵੀਟ ਕੀਤਾ ਹੈ, ''ਹਲਾਤਾਂ 'ਤੇ ਲਗਾਤਾਰ ਨਜ਼ਰ ਬਣੀ ਹੋਈ ਹੈ। ਰੇਲ ਮੰਤਰੀ ਪਿਊਸ਼ ਗੋਇਲ 'ਚ ਮੁੰਬਈ 'ਚ ਮੌਜੂਦ ਹਨ।''

ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵੇਂਦਰ ਫਡਨਵੀਸ ਨੇ ਮ੍ਰਿਤਕਾਂ ਦੇ ਪਰਿਵਾਰ ਵਾਲਿਆਂ ਨੂੰ ਪੰਜ ਲੱਖ ਰੁਪਏ ਮੁਆਵਜੇ ਦਾ ਐਲਾਲ ਕੀਤਾ ਹੈ।

(ਬੀਬੀਸੀ ਪੰਜਾਬੀ ਦੇ ਫੇਸਬੁੱਕ ਪੰਨੇ ਉੱਤੇ ਜਾਣ ਲਈ ਇੱਥੇ ਕਲਿੱਕ ਕਰੋ ਇਸੇ ਤਰ੍ਹਾਂ ਲਿੰਕ ਉੱਤੇ ਕਲਿੱਕ ਕਰਕੇ ਇੰਸਟਾਗਰਾਮ ਪੰਨਾ ਦੇਖੋ।)