Muxuu yahay xafiiska ay la wareegtay Taalibaan ee aadka loogu dhalleecaynayo?

Ku soo dhowaada tebinta tooska ee BBC Somali

Tebin toos ah

19 Sebtembar 2021Waa sidee xaalka Wajeer iyo abaarta ka jirta guud ahaan dalka Kenya?
Waxaa deegaanka Wajeer bilihii la soo dhaafay ka taagnaa isqab-qabsi siyaasadeed oo ka dhashay barasaabkii kalsoonida lagala laabtay, arrintaas oo saameyn xooggan ku yeelatay dhaqaalaha iyo shaqooyinka deegaanka.
Waxa aintaa dheer in hadda ay Wajeer kamid tahay deegaannada ay ku dhufatay abaarta uu dhawaan madaxweyne Uhuru Kenyatta ku tilmaamay musiibo qaran. Hadaba si aan xog badan uga helno waxa ka taagan Wajeer ayaa waxaan ka waraysannay barasaabkeeda, Axmed Cali Mukhtaar oo u warramay weriyaha BBC Ciise Xaaji Cabdulle. Marka hore waxa uu ka warramayaa waxa u qabsoomay tan iyo markii uu xafiiska la wareegay.
Halkan hoose ka dhagayso
Qoraalka Codka, Waxaa deegaanka Wajeer bilihii la soo dhaafay ka taagnaa isqab-qabsi siyaasadeed
19 Sebtembar 2021Rooble oo guddomiyay shirka isbeddelka cimilada
Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa guddoomiyay shirka tiirka Arrimaha Bulshada oo looga hadlay mashaariicda lagu horumarinayo arrimaha bulshada, iyadoo lagu soo bandhigay qorshaha la tacaalidda isbeddelka cimilada iyo dhismaha xarunta Qaran ee gurmadka deg degga ah.
Xigashada Sawirka, OPM
Xigashada Sawirka, OPM
Xigashada Sawirka, OPM
19 Sebtembar 2021Madaxweynaha Jabuuti oo dalka dib ugu soo laabtay kadib warar la xiriiray xaaladdisa caafimaad
Xigashada Sawirka, ISMAIL OMAR GUELLEH
Madaxweynaha Jabuuti Ismaaciil Cumar Geele ayaa dalka dib ugu soo laabtay iyadoo oo dalka uu safar uga maqnaa.
Maalmihi lasoo dhafay waxaa baraha bulshada qabsatay warar ku saabsan xaalada caafimaad ee Madaxweynaha.
Wasiirka arrimaha dibedda ayaa horaantii toddobaadkii hore beeniyay wararka la xiriirira caafimaadka Madaxweynaha.
Xigashada Sawirka, ISMAIL OMAR GUELLEH
19 Sebtembar 2021Habraaca Doorashada gobolada waqooyi oo lagu dhawaqay
Gudoomiyaha Aqalka sare Cabdi Xaashi iyo Ra'isul wasaare ku xigeenka Xukuummada Federaalka ee Soomaaliya Mahdi Guuleed ayaa waxay soo saareen Habraaca Doorashada Xubnaha Aqalka Sare ee Gobolada Woqooyi.
halkan hoose ka akhriso nuxurka warqada
19 Sebtembar 2021Maxay tahay sababta Kuuriyada Waqooyi ay u xoojineyso tijaabinta gantaallada halista ah?
19 Sebtembar 2021Doorashada aqalka sare ee Hirshabeelle oo maanta lagu wadaa in ay soo gebagebawdo
Doorsahada xubnaha aqalka sare ku mataya Hirshabeelee ayaa maanta la filayaa inay sii socoto kadib muran xalay hareeyay baarlamaanka maamulkaas oo sababay in lagu kala dareero.
Qaar ka mid ah xildhibaannadii codka dhiibanayay ayaa warbaahinta laga arkayey iyaga oo buuq ka samaynaya goobtii codbixinta.
Guddoonka baarlamaanka Hirshabeelle ayaana sheegay in xubnahaas la marsiin doono anshaxa, doorashadaduna ay sideedii u sii socon doonto, saddexda kursi ee harayna maanta la dooran doono.
Siraaji Shiih Isaaq Cabdulle, guddoomiye ku xigeenka koowaad ee Baarlamaanka Hirshabelle ayaa dhacdadii xalay iyo doorashada maanta uga warramay weriyaha BBC Cabdixamnaan Cali Dhimbiil.
Qoraalka Codka, .
19 Sebtembar 2021Gudoomiyaha Buula-burde oo faafahinaya qaraxyo lagu burburiyay dhismaha cusub ee garoonka magaalada
Ugu yaraan shan qof ayaa ku dhaawacmay qaraxyo lagu weerarray dhismaha cusub ee garoonka Buula-burde ee gobolka Hiiraan ee bartamaha Soomaaliya.
Qaraxyada oo lagu xiray dhisme cusub oo loogu talagalay dadka ka dhoofaya ama ka soo dagaya garoonka inay sii maraan ayaa gabi ahaanba dhulka lagu daray sida ay muujinyaan sawiro laga soo qaaday.
Maamulka deegaanka ayaa ku eedeeyay Al-Shabaab inay ka dambeeyeen qaraxyda lagu burburiyay dhismaha cusub ee garoonka diyaaradaha Buula-burde.
Haddaba si aan u helno baaxadda khasaaraha dadka iyo garoonka gaarayba, waxa uu weriyaha BBC-da ee Muqdisho Ibraahim Maxamad Aadan taleefanka Buula-burde kula hadlay gudoomiyaha magaaladaasi, Axmed Mahad Nuur, wuxuuna marka hore weydiiyay bal inuu faahfaahin ka bixiyo sida ay wax uga dhaceen garoonka.
Qoraalka Codka, .
19 Sebtembar 2021Muxuu yahay xafiiska ay la wareegtay Taalibaan ee aadka loogu dhalleecaynayo?
Guddiga madaxa bannaan ee Afghanistan u qaabilsan xuquuqda aadanaha ayaa sheegay inay istaageen hawlihiisa tan iyo markii ay Taliban xukunka la wareegtay bishii hore.
War qoraal ah oo uu soo saaray guddiga ayaa lagu sheegay in xafiisyadiisa, gawaarida iyo qalabkii uu ku shaqeynayay ay dhammaan gacanta u galeen Taliban. Ururka ayaan weli ka jawaabin eedeyntaas.
Guddiga ayaa sheegay in uu ka walaacsan yahay in dumarka u shaqeeya aan loo oggolaan doonin inay hawlahooda gutaan, maadaama uu ururka Taliban u muuqdo mid xadidaya in dowrka haweenka ay ku dhex leeyihiin bulshada.
Warka ayaa sidoo kale lagu sheegay in Taliban aysan ilaalin xuquuqda asaasiga ah, ayna beegsato dadka u dhaq-dhaqaaqa xuquuqda aadanaha.
Guddiga ayaa sheegay in uu ka walaacsan yahay in uusan awoodin baaritaan ku aaddan eedeymaha ah in tacaddiyo laga geystay Kandahar iyo dooxada Panjshir, deegaannadaas oo ay xooggaga Taliban kala kulmeen iska caabin xooggan.
Warka ka soo baxay guddiga ayaa lagu sheegay in Qaramada Midoobay looga baahan yahay inay samayso guddi madax bannaan oo dusha kala socda xaaladda xuquuqda aadanaha ee Afghanistan.
Taliban ayaan weli ka hadlin eedeymaha uga yimid guddiga madaxa bannaan ee xuquuqul insaanka Afghanistan.
19 Sebtembar 2021Burcadda Nigeria oo sii daysay toban arday oo laga afduubtay gobolka Kaduna
Xigashada Sawirka, Getty Images
Burcadda Nigeria ayaa sii daysay toban arday oo laga afduubtay iskuul ku yaalla waqooyi -galbeed ee gobolka Kaduna.
Waa kooxdii saddexaad oo arday ah oo ay sii daayaan afduubayaasha.
Kow iyo labaatan arday ayaa lagu soo waramayaa inay weli ku jiraan gacanta burcadda.
Tan iyo bishii Diseembar, in ka badan 600 oo arday ayaa laga afduubay iskuulo ku yaal woqooyiga galbeed Nigeria, taas oo abuurtay walaac hor leh oo ku saabsan dhibaatada afduubka ee dalkaas ka jirta.
Waxaa la hirgeliyay mashruuc lagu badbaadinayo ardayda kaddib markii la afduubkii lagula kacay gabdhihii Chibok si loo xoojiyo amniga iskuulada ku yaal waqooyi bari Nigeria ayaa iskuulada gobolka oo dhan waxaa loo dhisay darbiyo dhaadheer.
19 Sebtembar 2021Al-shabaab oo burburisay dhismaha garoonka diyaaradaha ee Bula Burde
Xigashada Sawirka, TWITTER
Ugu yaraan shan qof ayaa ku dhaawacmay qaraxyo lagu weerarray dhismaha cusub ee garoonka Buula-burde ee gobolka Hiiraan ee bartamaha Soomaaliya.
Qaraxyada oo lagu xiray dhisme cusub oo loogu talagalay dadka ka dhoofaya ama ka soo dagaya garoonka inay sii maraan ayaa gabi ahaanba dhulka lagu daray sida ay muujinyaan sawiro laga soo qaaday.
Maamulka deegaanka ayaa ku eedeeyay Al-Shabaab inay ka dambeeyeen qaraxyda lagu burburiyay dhismaha cusub ee garoonka diyaaradaha Buula-burde.
Xigashada Sawirka, TWITTER
Xigashada Sawirka, TWITTER
Xigashada Sawirka, TWITTER
19 Sebtembar 2021Jaamacadda Hargeysa oo yeelanaysa shaybaadh tignoolajiyadeed oo casri ah
Shirkadda isgaadhsiinta ee Somtel ayaa ugu deeqday Jaamacadda Hargeysa Sheybaadh dhanka Isgaarsiinta kaas oo ay ku baxday kharash dhan $1.2M.
Sheeybaadhkan ayaa waxaa uu ka dhigaya Jaamacadda Hargeysa, jaamacadda keli ah ee haysata shaybaadh isgaadhsiineed, Somaliland oo dhan.
Jaamacadda Hargeysa ayaa sannad walba waxaa ka baxda arday kor u dhaafaysa boqollaal, kuwaas oo ka qalin jebiya culuumta kala duwan ee jaamacaddaas lagu bixiyo. Waxaana u danbeeyey kun iyo dheeraad shalay ay uun ahayd xafladdii qalinjebintooda.
Haddaba shaqada sheybaadhkan uu qabto ayaa waxan ka wareysanay Professor Axmed Yuusuf Goolcadde oo ah madaxa isgaarsiinta jaamacadda wuxuuna u waramay wariyaha BBC-da mucaawiye muxumed buraale.
Qoraalka Codka, .
19 Sebtembar 2021Fannaan ku kaftamay sawir uu iska qaaday ka dib markii uu ka soo dhacay diyaarad
Xigashada Sawirka, LIAM GALLAGHER
Liam Gallagher oo ah fanaan caan ah oo u dhashay dalka Ingiriiska ayaa u sheegay taageerayaashiisa inuu ka dhacay diyaarad helikobtar ah xilli uu soo bandhigayay xafladda loogu magac daray Isle of Wight..
Bartiisa Twitter -ka ayuu ku baahiyay sawir muujinaya wajigiisa oo dhaawac ah isaga oo qoraalkiisa si kaftan ah taageerayaashiisa ugu sheegayay dhaawaca wajigiisa soo gaaray.
48 jirkaan ayaa sidoo kale ku kaftamay in sawirka uu ka muuqan karo album-kiisa soo socda lagana yaaba inuu u doorto midka ugu horreeya.
Ka bood X boggan
Oggolow X macluumaadka
Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.
Digniin: BBC macluumaadka ku qoran bog kale masuul kama ahan
Dhammaadka X boggan
19 Sebtembar 2021Israa’iil oo dib u soo qabatay maxaabiis Falastiiniyiin ah oo ka baxsaday
Xigashada Sawirka, Reuters
Ciidamada Israa’iil ayaa dib u qabtay labadii maxaabiis ee ugu dambeeyay kuwaasi oo ka mid ahaa lix maxaabiis oo Falastiiniyiin ah oo ku dhawaad laba toddobaad ka hor ka soo baxsaday xabsi ammaankiisu aad loo adkeeyay.
Afhayeen u hadlay ciidamada ayaa sheegay in dadka baxsadka ah ay iska dhiibeen magaalada Jenin ee daanta galbeed. Lixda qof ayaa ka baxsday xabsiga Gilboa.
Falastiiniyiinta ayaa la rumaysan yahay inay ka baxsadeen qolka xabsiga ee ay ku wada jireen halkaas oo ay god ka qodeen musqushiisa. Wargeyska The Jerusalem Post ayaa ku warramay inay qoditaanka u adeegsadeen qaaddo daxalaysatay oo ay boor hoostii ku qariyeen.
Godka ayaa waxa uu ku sii xiray dhul qodan oo ku hoos yaal xabsiga kaas oo la sameeyay markii jeelka la dhisayay.
Maxaabiista ayaa la rumaysan yahay inay godkaas mareen oo ay markii dambana ku gaareen dhinaca shishe ee darbiga xabsiga, kaddibna ay qodeen kanaal dhulka hoostiisa mara oo ku soo beegmay bartamaha dhabbe jid-cadde ah oo bannaanka xabsiga mara.
Shirkadda Shin Bet ee dhanka ammaanka ayaa sheegtay in ay rumaysan tahay in maxaabiista ay xiriir la lahaayeen dad joogay bannaanka xabsiga markaas oo ay adeegsadeen mobile loo soo dusiyay, markii ay soo baxsadeen kaddibna lagu qaaday gaari.
19 Sebtembar 2021Mareykanka oo ballan qaad aan la fileyn u sameeyay Itoobiya
Mareykanka ayaa sheegay inuusan cunaqabateyn dheeraad ah ku soo rogeyn Itoobiya, haddii ay labada dhinac joojiyaan dagaalka isla markaana bilaabaan wada hadal.
Xoghayaha Arrimaha Gudaha Mareykanka Antony Blinken ayaa sheegay in loo baahan yahay in wada hadalladu ay si deg deg ah ku bilowdaan, iyadoo aan meesha la keenin wax shuruudo horudhac ah.
Goor sii horreysay, Madaxweyne Biden ayaa saxiixay amar sare oo suurto gelinaya in Mareykanku uu tallaabo dheeri ah ka qaado dowladaha Itoobiya iyo Eritrea, TPLF iyo dowladda gobolka Amhara.
Ciidamo kala duwan ayaa dagaal kula jiray kooxda TPLF tobankii bilood ee la soo dhaafay, kaas oo boqollaal kun oo qof qarka u saaray macluul.
19 Sebtembar 2021Dhismaha Capitol ee Mareykanka oo heegan la geliyay
Xigashada Sawirka, Reuters
Boqollaal saraakiil boolis ah ayaa la geeyay dhismaha aqalka Capitol ee Mareykanka, xilli ay isu soo bax ku dhigi rabaan taageerayaasha dadkii galay dhismaha 6-dii January, iyagoo isku dayayay inay ka hor imaadaan guushii madaxweynihii hore Donald Trump looga guuleystay doorashada.
Booliiska ayaa baaritaanno dheeraad ah ku sameynaya dadka booqanaya garoonka u dhow ee Washington, si ay uga hortagaan qalalaaso.
Saacado kahor inta uusan isu soo baxa billaaban, booliiska Capitol ayaa isu diyaariyay sugidda ammaanka.
19 Sebtembar 2021Heerka xanuunka Covidka oo Somaliland sare u kacday tobadaadyadii ugu danbaysay
19 Sebtembar 2021
Asalaamu Caleykum
Kulanti wacan, ku soo dhawaada tebinta tooska ah oo aan idiin kuugu soo gudbinno wararkii ugu dambeeyay soomaalida iyo caalamka.
18 Sebtembar 2021Shirkii uu ka qeybgeli lahaa Fahad oo baaqday
Waxaa baaqday shirkii amniga ee maanta lagu waday inuu magaalada Muqdisho ka furmo ayaa baaqday.
Qoraal uu bartiisa Facebook soo dhigay agaasimaha warfaafinta madaxttooyada, Cabdirashiid Maxamed Xaashi ayaa sheegay in shirkii Guddiga Amniga Qaranka ee Dawladda Federaalka Soomaaliya ee uu hore u iclaamiyay Madaxweynaha JFS Maxamed Cabdullaahi Farmaajo dib ayaa loo dhigay.
Qoraalka ayaa intaas ku daraya in dib laga soo sheegi doono xilliga ugu habboon ee uu qabsoomi karo.
Xigashada Sawirka, Cabdirashiid Maxamed Xaashi
18 Sebtembar 2021Mareykanka oo ballan qaad aan la fileyn u sameeyay Itoobiya
Xigashada Sawirka, AFP
Mareykanka ayaa sheegay inuusan cunaqabateyn dheeraad ah ku soo rogeyn Itoobiya, haddii ay labada dhinac joojiyaan dagaalka isla markaana bilaabaan wada hadal.
Xoghayaha Arrimaha Gudaha Mareykanka Antony Blinken ayaa sheegay in loo baahan yahay in wada hadalladu ay si deg deg ah ku bilowdaan, iyadoo aan meesha la keenin wax shuruudo horudhac ah.
Goor sii horreysay, Madaxweyne Biden ayaa saxiixay amar sare oo suurto gelinaya in Mareykanku uu tallaabo dheeri ah ka qaado dowladaha Itoobiya iyo Eritrea, TPLF iyo dowladda gobolka Amhara.
Ciidamo kala duwan ayaa dagaal kula jiray kooxda TPLF tobankii bilood ee la soo dhaafay, kaas oo boqollaal kun oo qof qarka u saaray macluul.
18 Sebtembar 2021Gabdhaha Afghanistan oo ka walaacsan inaysan ku laabaneyn iskuullada
Xigashada Sawirka, Getty Images
Taliban ayaan u oggolaan gabdhaha inay dhigtaan dugsiyada sare, kaddib markii ay amreen in keliya macallimiinta ragga ah ay ku laabtaan fasallada.
Gabdhaha iskuulleyda ah ayaa BBC-da u sheegay inay aad uga xun yihiin inaysan iskuullad aku laaban.
Afhayeen u hadlay Taliban ayaa sheegay inay jiraan qorshooyin mar dhowr dib loogu furayo iskuullada gabdhaha.
Afhayeenka Taliban Zabihullah Mujahid ayaa sheegay in saraakiishu ay haatan ka shaqeynayaan hannaanka loo maro dib u furidda iskuullada gabdhaha.