Doorashada waxaa ka taagan muran ka dib markii mucaaradka ay qaadeceen. Balse guddiga wuxuu ku adkeysanayaan in ay ahayd mid sax ah.
Hoggaamiyaha mucaaradka Kenya, Raila Odinga oo taageerayaashiisa ugu baaqay inay qaadacaan doorasgada ayaa lagu adaa inuu diido natiijada diirashadan oo 38.8% ka mid ah dadkii diwaangalsanaa ay codeeyeen.
Maxkamadda ugu sarreysa dalka waxaa hadda horyaalla dacwad ka dhan ah doorashadan.
Raila Odinga wuxuu sheegay inuu berito jeedin doono khudbad uu uga hadlayo tallaabada xigta ee uu qaadi doono.
Xigashada Sawirka, Getty Images
Madaxweynaha Kenya Uhuru Kenyatta ayaa sheegay in shacabka Kenya ay "markale muujiyeen kalsoonida ay ku qabaan doladdiisa.
Wuxuu hadal ka jeediyay xarunta Bomas ee looga dhawaaqay natiijada doorashadii ku celiska ahayd taas oo sax ahaanteeda muran uu ka taagan yahay.
Xigashada Sawirka, EPA
Madaxweyne Uhuru Kenyatta oo guushiisii hore maxkamad ay diiday ayaa hadda markale u mahadceliyay dadkii u codeeyay.
Doorashadan waa mid lagu muransan yahay oo mucaaradka waxay sheegeen in aysan natiijada aqbaleyn.
Guddiga doorashada ee Kenya ayaa ku dhawaaqay in Uhuru Kenyatta la doortay ka dib doorashadii ku celiska ahayd ee dhacday 26-kii bishan.
Uhuru Kenyatta ayaa helay 98.26 boqolkiiba codadkii la dhiibtay, halka hogaamiyaha mucaaradka ee loolanka adag ku hayay uu helay 0.09 boqolkiiba.
Laakiin Raila wuu qaadacay doorashada kamana qeybgalin. Doorashada oo ahayd mid ay qaadeceen mucaaradka waxaa ka dhashay rabshado sababay in ay dad ku dhintaan.
Sida ka muuqato tirada uu soo saaray guddiga waxaa aad u horeeya Uhuru Kenyatta oo helay 98.26 boqolkiiba
Waxaa xarunta Bomas ku sugan korjoogayaal caalami ah oo dunida ka kala socda.
Waxaa hoggaaminaya madaxweynihii hore ee Koonfur Afrika.
Guddiga doorashada ayaa wado in ay ku dhawaaqaan natiijada.
Gudoomiyaha, Wafula Chabukati ayaa aqriyay tirada dadkii codeeyay dhammaan deegaanada Kenya ka dhacday.
Waxaana hadda hoggaaminaya Uhuru Kenyatta.
