Tabinta tooska ah
Dadka taageera ciyaaraha ayaa laga yaabaa inay dib ugu noqondaan garoomaha ciyaaraha Ingiriiska. Warkan waxaa sheegay Raysal wasaaraha boqortooyada Ingiriiska Boris Johnson.
Tijaabada dib ugu noqoshada garoomaha ciyaaraha ayaa la billaabi doonaa 1 Agoost,o laakiin in dib dadweynaha loogu furo garoomada waxay ku xirnaan doontaa taloooyinka iyo tilmaamaha caafimaad ee la xiriira fayraska korona.
Dibadbaxyo ayaa ka socda magaalooyin dhowr ah oo Iran ku yaalla. Dibadbaxyada waxaa dhigaya dhallinyaro ka careysan kacaanka Iraan.
Ciidamada amniga ayaa ku kala eryay sunta dadka ka ilmaysiisa.
Mgaalooyin kale oo dhowr ah waxaa wadooyinka tubban ciidamada amniga oo aad u badan.
Muuqaallo la dhigay baraha bulshada waxay muujinayeen dibadbaxyaal ku qeylinaya "Ha baqanina. Ha baqanina."
Dadka dibadbaxaya waxay sidoo kale ku dhawaaqayaan hal-ku-dhigyo ka dhan ah dowladda kacaanka Iraan iyo hoggaamiyahooga ruuxiga ah ee Aayatulaah Cali Khamani.
Xigashada Sawirka, bbc
Dadka dibadbaxaya waxay ka carreysan yihiin xukun dil ah oo lagu riday saddex dhallinyaro rag ah oo lagu eedeeyay rabshado iyo kicin dadweyne.
Eedeymahaas ayaa la la xiriirinayaa dibadbaxyadii bishii Nofeembar ee sanadkii hore ka dhacay Iraan.
Dibadbaxyadu waxay dabo-socdaan olole ka socday warbaahinta oo lagu doonayay in laga horyimaado xukunka lagu riday saddexda nin. Waxaa lasoo weriyay in dowladda Iraan ka noqotay xukunka dilka ah kadib ololeha iyo dibadbaxyada hadda socda.
Xigashada Sawirka, AFP
Madaxweynaha dalka Gabon Cali Bongo ayaa Christiane Ossouka Raponda u magacaabay inay noqoto ras’iisal wasaare.
Waxay noqoneysaa haweeneydii ugu horreysay ee hoggaamisa golaha wasiirada dalkaasi ku yaalla galbeedka Afrika.
Haweeneydan 56 jirka ah ayaa baddeleysa Julien Nkoghe Bekale, oo xilkaasi haysay muddo 18 bilood ah.
Madaxweyne Bongo ayaa dhwor isbuuc lagu arkin meel fagaara ah, waxaana jirta hadal hayn inuu xannuusan yahay
Halkan hoose ka eeg doodda barnaamijka TOOS-ka ee baraha bulshada ee BBC Somali oo maanta ku saabsan masaajidda xiran xilligan uu jira Fyaraska Korona
Xigashada Sawirka, bbc
In ka badan 2,000 oo qof oo ka tirsan shaqaalaha caafimaadka dalka Ghana ayaa laga helay fayraska Korona , sida ay shaacisay wasaaradda caafimaadka ee dalkaasi.
Agaasimaha guud ee wasaaradda caafimaadka Ghana Patrick Kuma-Aboagye ayaa sheegay in lix ka mid ah shaqaalaha uu ku dhacay xannuunka Covid19 ay u dhinteen.
Caasimadda Accra ayaa laga diwaangeliyay tirada ugu badan ee shaqaalaha caafimaadka ee uu ku dhacay fayraska Korona
Guud ahaan dalka Ghana ayaa laga diwaangeliyay 26,000 oo xaaladood oo korona ah iyadoo 130 qofna ay u dhinteen.
Xigashada Sawirka, Demeke Mekonnen Hassen
Ra’isal wasaare ku xigeenka Itoobiya Demeqe Makonnin ayaa shegay in dowladda Itoobiya ay sii laba jibbaareyso tallaabbooyinka ay ku meel marineyso sarreynta sharciga ayna kula xisaabtameyso cid kasta oo dalka dambi ka gashay.
Ra’isal wasaare ku xigeenka oo shirka golaha wasirrada dalka Itoobiya ka hadlay wuxuu sheegay in “Dowladda uu xil uu ka saaran yahay iney sugto amniga iyo xasiloonida shacabka isaga oo sheegay waxa ka dhacay dalka Itoobiya ay tahay mid dhaqanka iyo wada noolaashaha bulshooyinka Itoobiya aad uga fog.”
Xafiiska xeer ilaalinta dalka Itoobiya ayaa sheegay in rabhsdihi Itoobiya dhawaan ka dhacay loo xirxiray dad ka badan 5,000 o ay siyaasiyiin caan ah ku jiraan.
Xubnaha baarlamaanka dalka Tawian ayaa ku dhex dagallaamay gudaha baarlamaanka xilli ay ka doodayeen ansixinta masuul ka tirsan guddi madax-bannaan oo la socda hawlaha la xisaabtanka dowladda.
Waa markii seddaxaad oo ay xubnaha iskula tagaan feer iyo haraanti labadii isbuuc ee la soo dhaafay.
Chen Chu, oo ah xubin ka tirsan xisbiga talada dalkaasi haya ayuu soo jeediyay madaxweynaha dalkaasi in loo magacaaba madaxa guddiga dabagalka hawlaha dowladda balse mucaaradka ayaa ku gacan seyray soo jeedintaasi.
Xigashada Sawirka, Getty Images
Baarlamaanka Degaanka Tigreega ayaa kalfadhi degdeg ah oo uu yeeshay ansixiyey guddi doorasha oo ka kooban 5 xubnood.
Goluhu wuxuu sheegay 776 xubnood oo deegaanka Tigreega oo dhan laga soo xulay ayaa xubnahan laga dhex doortay.
Doorashada ka dhaceyso deegaanka Tigreega ayaa la filayaa iney ka qayb qaataan Xisbiga TPLF ee deegaanka Tigreega hayo iyo xisbiyada mucaaradka ee deegaankaasi ka diiwaan gashan.
Go’aankan baarlamaanka Tigreega uu meel mariyey ayaa ku soo beegmaya xilli ay dowladda dhexe iyo guddiga doorashooyinka qaranka ee Federaalkaba ay deegaanka Tigreega ay ku amreen iney qabsanin doorasha deegaan ahaan u gaar ah, balse deegaanka Tigreega uu ka dhaga fureystay.
Doorashooyinka qaran ee dalka Itoobiya sanadkan ka dhici lahaa ayaa dib loo dhigay ilaa iyo hal sano sababa la xiriira fayraska Korona
Xigashada Sawirka, ABEL GUESH
Waaxda baarista Mareykankaee FBI-da ayaa billowday baaritaanka dib markii la jabsaday cinwaanada ay Twitter-ka ku leeyihiin shakhsiyaad caan ka ah Mareykanka.
Shakhsiyaadkacaanka ahaa ee cinwaannadooda Twitter-ka la jabsadayna waxaa ka mid ah Barack Obama, Joe Biden, Kanye West iyo Bill Gatesiyaga oo cinwaannadooda lagu dalbaday in tabarruc lacageed la sameeyo.
"Cid walba waxay i weydiineysaa inaan u soo celiyo," farriin barta Twitter-ka Bill gates la soo dhigay ayaa sidaa lagu yiri."$1000 doolar ii soo dir anna waxaan ku soo dirayaa $2,000 oo doolar," ayaa la sir aaciyay
