மலேசிய அரச முதலீட்டு நிதி முறைகேடு: குற்றவியல் வழக்கு தொடர பரிந்துரை

மலேசியாவில் பிரதமர் நஜீப் ரஸாக் சம்பந்தப்பட்ட சர்ச்சைக்குரிய அரச முதலீட்டு நிதி முறைகேடு விவகாரத்தில் குற்றவியல் வழக்கு தொடருமாறு அந்நாட்டின் மத்திய வங்கி பரிந்துரை செய்துள்ளது.

முறையான நடைமுறைகள் இல்லாமல், வெளிநாட்டில் சுமார் 2 பில்லியன் டாலர் பணம் முதலீடு செய்யப்பட்டுள்ளதாகவும் அந்தப் பணத்தைத் திரும்பக் கொண்டுவர வேண்டுமென்றும் மத்திய வங்கி கூறியுள்ளது.

2009-ம் ஆண்டில் 1எம்டிபி என்ற பெயரில் இந்த நிதியத்தை பிரதமர் அமைத்தார்.

அண்மைக்காலங்களில், இந்தப் பணம் தொடர்பில் வெளியாகியிருந்த சர்ச்சைக்குரிய பல தகவல்களைத் தொடர்ந்து, பிரதமர் நஜீப் பதவி விலக வேண்டும் என்று போராட்டங்களும் நடந்துள்ளன.