قاہرہ میں ایک سٹیڈیم کے باہر پولیس اور تماشائیوں کے درمیان بلوے میں کم از کم 22 افراد ہلاک۔
،تصویر کا کیپشنمصر کے سرکاری میڈیا نے اطلاع دی ہے کہ قاہرہ میں ایک سٹیڈیم کے باہر پولیس اور تماشائیوں کے درمیان بلوے میں کم از کم 22 افراد ہلاک ہو گئے ہیں۔
،تصویر کا کیپشنیہ تشدد اس وقت پھوٹا جب ای این پی پی آئی اور زمالک کی ٹیموں کے درمیان میچ شروع ہونے والا تھا۔
،تصویر کا کیپشنفروری 2012 میں مصر کے ایک اور شہر پورٹ سعید میں فٹبال کے ایک میچ کے بعد ہونے والی ہنگامے میں 70 سے زائد افراد مارے گئے تھے۔
،تصویر کا کیپشنعینی شاہدین کے مطابق اتوار کو ہونے والے بلوے میں پولیس نے قاہرہ میں ایئر ڈیفنس سٹیڈیم میں فٹبال کے شائقین کو منتشر کرنے کے لیے آنسو گیس استعمال کی۔
،تصویر کا کیپشناس دوران کم از کم 20 افراد زخمی بھی ہو گئے ہیں۔ زمالک کی مداحوں نے مرنے والوں کی تعداد 20 بتائی ہے۔
،تصویر کا کیپشنیہ واضح نہیں ہو سکا کہ یہ اموات کیسے ہوئیں، لیکن بعض عینی شاہدین کا کہنا ہے کہ کچھ لوگ بھگدڑ مچ جانے کے بعد کچلے جانے سے ہلاک ہوئے۔
،تصویر کا کیپشنسٹیڈیم میں مرنے والوں اور زخمیوں کے جوتوں کا ڈھیر لگا ہوا ہے۔ زمالک کے مداحوں کا دعویٰ ہے کہ تشدد اس وقت شروع ہوا جب حکام نے اندر جانے کے لیے صرف ایک گیٹ کھولا۔
،تصویر کا کیپشندو عینی شاہدوں نے بتایا کہ جب لوگوں نے سٹیڈیم میں داخل ہونے کی کوشش کی تو جنگلہ گر گیا جس سے بھگدڑ مچ گئی: ’اس کے بعد پولیس نے آنسو گیس کے گولے داغنا شروع کر دیے۔‘
