نیوزی لینڈ ورلڈ کپ سکواڈ

ڈینیئل ویٹوری

بتیس سالہ ڈینئل ویٹوری کا شمار نیوزی لینڈ کے آل راؤنڈرز میں ہوتا ہے۔ ویٹوری نے چھ فروری سنہ انیس سو ستانوے کو انگلینڈ کے خلاف پہلا ٹیسٹ، پچیس مارچ سنہ انیس سو ستانوے کو سری لنکا کے خلاف پہلا ون ڈے اور بارہ ستمبر سنہ انیس سو ستانوے کو کینیا کے خلاف پہلا ٹی ٹوئنٹی میچ کھیلا۔

ڈینئل ویٹوری نےصرف اٹھارہ سال کی عمر میں ٹیسٹ میچ کھیل کر اپنے ملک کی جانب سے سب سے کم عمر میں ٹیسٹ کھیلنے کا اعزاز حاصل کیا۔ ویٹوری نیوزی لینڈ کی جانب سے ایک روزہ میچوں میں سب سے زیادہ وکٹیں حاصل والے بالر ہیں۔ ویٹوری کا شمار اُن آٹھ کھلاڑیوں میں ہوتا ہے جنہوں نے ٹیسٹ میں تین ہزار رنز اور تین سو وکٹیں حاصل کی ہیں۔

ویٹوری نے سنہ دو ہزار چار میں بنگلہ دیش کے خلاف دو ٹیسٹ میچوں میں دو سو چوبیس رنز دے کر بیس وکٹیں حاصل کیں۔ اِسی طرح انہوں نے مارچ سنہ دو ہزار میں آسٹریلیا کے خلاف ایک ٹیسٹ میں ایک سو انچاس رنز دے کر بارہ وکٹیں حاصل کیں۔

جیمز فرینکلن

تیس سالہ جیمز فرینکلن کا شمار نیوزی لینڈ کے آل راونڈرز میں ہوتا ہے۔ فرینکلن نے آٹھ مارچ سنہ دو ہزار گیارہ کو پاکستان کے خلاف پہلا ٹیسٹ، دو جنوری سنہ دو ہزار ایک کو زمبابوے کے خلاف پہلا ون ڈے اور سولہ فروری سنہ دو ہزار چھ کو ویسٹ انڈیز کے خلاف پہلا ٹی ٹوئنٹی میچ کھیلا۔

برینڈن میککلم

تیس سالہ برینڈن مکلم کا شمار نیوزی لینڈ کے وکٹ کیپراور اوپنگ بلے باز میں ہوتا ہے۔ برینڈن مکلم کرکٹ کی دنیا میں اپنے تیز بیٹنگ کی وجہ سے مشہور ہیں۔ برینڈن مکلم نے دس مارچ سنہ دو ہزار چار ہزار کو جنوبی افریقہ کے خلاف پہلا ٹیسٹ، سترہ جنوری سنہ دو ہزار دو کو آسٹریلیا کے خلاف پہلا ون ڈے اور سترہ فروری سنہ دو ہزار پانچ کو آسٹریلیا ہی کے خلاف پہلا ٹی ٹوئنٹی میچ کھیلا۔

کائل ملز

بتیس سالہ کائل ملز کا شمار نیوزی لینڈ کے بالرز میں ہوتا ہے۔ کائل ملز نے دس جون سنہ دو ہزار چار میں انگلینڈ کے خلاف پہلا ٹیسٹ، پندرہ اپریل سنہ دو ہزار ایک کو پاکستان کے خلاف پہلا ون ڈے اور سترہ فروری سنہ دو ہزار پانچ کو آسٹریلیا کے خلاف پہلا ٹی ٹوئنٹی میچ کھیلا۔ انٹرنیشنل کرکٹ کونسل کی ایک روزہ درجہ بندی میں کائل ملز سترہ نمبر پر ہیں۔

جیکب اورم

بتیس سالہ جیکب اورم کا شمار نیوزی لینڈ کے آل راؤنڈرز میں ہوتا ہے۔ اورم نے بارہ دسمبر سنہ دو ہزار دو کو بھارت کے خلاف پہلا ٹیسٹ، چار جنوری سنہ دو ہزار ایک کو زمبابوے کے خلاف پہلا ون ڈے اور اکیس اکتوبر سنہ دو ہزار پانچ کو جنوبی افریقہ کے خلاف پہلا ٹی ٹوئنٹی میچ کھیلا۔

اورم نے سنہ دو ہزار تین کے عالمی کپ میں میں اکیس اعشاریہ صفر سات کی اوسط سے چودہ وکٹیں حاصل کیں اور ایک سو پینسٹھ رنز بنائے۔ انہوں نے سنہ دو ہزارسات کے عالمی کپ میں تینتیس رنز کی اوسط سے دس کھلاڑیوں کو آؤٹ کیا۔ جیکب اورم نے سنہ دو ہزار سات میں آسٹریلیا کے خلاف اکہتر گیندوں پر سینچری سکور کی۔ اورم نے جنوبی افریقہ کے خلاف ٹیسٹ میں ایک سو انیس رنز بنائے۔

سکاٹ سٹائرس

چھتیس سالہ سکاٹ سٹائرس کا شمار نیوزی لینڈ کے آل راؤنڈرز میں ہوتا ہے۔ سکاٹ سٹائرس نے اٹھائیس جولائی سنہ دو ہزار دو کو ویسٹ انڈیز کے خلاف پہلا ٹیسٹ، پانچ نومبر سنہ انیس سو ننانوے کو بھارت کے خلا پہلا ون ڈے اور سترہ فروری سنہ دو ہزار پانچ کو آسٹریلیا کے خلاف پہلا ٹی ٹوئنٹی میچ کھیلا۔

سٹائرس نے ویسٹ انڈیز کے خلاف اپنے پہلے ٹیسٹ میں سینچری سکور کی۔ انہوں نے ویسٹ انڈیز کے خلاف ایک روزہ میچ میں پچیس رنز دے کرچھ وکٹیں حاصل کیں۔

جیمی ہاؤ

تیس سالہ جمی ہاؤ کا شمار نیوزی لینڈ کے بلے بازوں میں ہوتا ہے۔ جمی ہاؤ نے نو مارچ سنہ دو ہزار چھ کو ویسٹ انڈیز کے خلاف پہلا ٹیسٹ، اکتیس دسمبر سنہ دو ہزار پانچ کو سری لنکا کے خلاف پہلا ون ڈے اور تیئس نومبر سنہ دو ہزار سات کو جنوبی افریقہ کے خلاف پہلا ٹی ٹوئنٹی میچ کھیلا۔

راس ٹیلر

ستائیس سالہ راس ٹیلرکا شمار نیوزی لینڈ کے اہم بلے بازوں میں ہوتا ہے۔ راس ٹیلر تیز کرکٹ کھیلنے کے حوالے سے مشہور ہیں۔ راس ٹیلر نے آٹھ نومبر سنہ دو ہزار سات کو جنوبی افریقہ کے خلاف پہلا ٹیسٹ، یکم مارچ سنہ دو ہزار چھ کو ویسٹ انڈیز کے خلاف پہلا ون ڈے اور بائیس دسمبر سنہ دو ہزار چھ کو سری لنکا کے خلاف پہلا ٹی ٹوئنٹی میچ کھیلا۔

نیتھن میککلم

تیس سالہ نیتھن مکلم کا شمار نیوزی لینڈ کے آل راؤنڈرز میں ہوتا ہے۔ نیتھن مکلم برینڈن مکلم کے بڑے بھائی ہیں۔ نیتھن مکلم نے آٹھ ستمبر سنہ دو ہزار نو کو سری لنکا کے خلاف پہلا ون ڈے اور انیس ستمبر سنہ دو ہزات سات کو جنوبی افریقہ کے خلاف پہلا ٹوئنٹی ٹوئنٹی میچ کھیلا۔ نیتھن مکلم نے ابھی تک کوئی ٹیسٹ نہیں کھیلا ہے۔

جیسی رائیڈر

ستائیس سالہ جیسی رائیڈر کا شمار نیوزی لینڈ کے آل راؤنڈرز میں ہوتاہے۔ جیسی رائیڈر نے سترہ اکتوبر سنہ دو ہزار آٹھ کو بنگلہ دیش کے خلاف پہلا ٹیسٹ، نو فروری سنہ دو ہزار آٹھ کو انگلینڈ کے خلاف پہلا ون ڈے اور پانچ فروری سنہ دو ہزار آٹھ کو انگلینڈ کے خلاف پہلا ٹی ٹوئنٹی میچ کھیلا۔

ٹم سودی

تئیس سالہ ٹم سودی کا شمار نیوزی لینڈ کے بالرز میں ہوتا ہے۔ دائیں ہاتھ سے بالنگ کرنے والے ٹم سودی نے بائیس مارچ سنہ دو ہزار آٹھ کو انگلینڈ کے خلاف پہلا ٹیسٹ، پندرہ جون دو ہزار آٹھ کو انگلینڈ کے خلاف پہلا ون ڈے اور پانچ فروری سنہ دو ہزار آٹھ کو انگلینڈ ہی کے خلاف پہلا ٹی ٹوئنٹی میچ کھیلا۔ ٹم سودی نے سنہ دو ہزار آٹھ کے ٹی ٹوئنٹی ورلڈ کپ کے دوران سترہ وکٹیں حاصل کیں۔ سودی نے اپنے پہلے ٹیسٹ میں انگلینڈ کے پانچ کھلاڑیوں کو آؤٹ کیا اور ستتر رنز بنائے۔

کین ولیئم سن

اکیس سالہ کین ولیمسن کا شمار نیوزی لینڈ کے بلے بازوں میں ہوتا ہے۔ کین ولیمسن نے چار نومبر سنہ دو ہزار دس کو بھارت کے خلاف پہلا ٹیسٹ اور دس اگست سنہ دو ہزار دس کو بھارت ہی کے خلاف پہلا ون ڈے کھیلا۔

مارٹن گپٹل

چوبیس سالہ مارٹن گپٹل کا شمار نیوزی لینڈ کے بلے بازوں میں ہوتا ہے۔ مارٹن گپٹل نے اٹھارہ مارچ سنہ دو ہزار نو کو بھارت کے خلاف پہلا ٹیسٹ، دس جنوری سنہ دو ہزار نو ویسٹ انڈیز کے خلاف پہلا ون ڈے اور پندرہ فروری سنہ دو ہزار نو کو آسٹریلیا کے خلاف پہلا ٹی ٹوئنٹی میچ کھیلا۔

ہامش بینیٹ

چوبیس سالہ ہامش بینٹ کا شمار نیوزی لینڈ کے بالرز میں ہوتا ہے۔ ہامش بینٹ نے چار نومبر سنہ دو ہزار دس کو بھارت کے خلاف پہلا ٹیسٹ اور چودہ اکتوبر سنہ دو ہزار دس کو بنگلہ دیش کے خلاف پہلا ون ڈے میچ کھیلا۔ ہامش بینٹ نے ابھی تک کوئی ٹی ٹوئنٹی میچ نہیں کھیلا۔

لیؤک وڈکاک

انتیس سالہ لیوک ووڈ کاک کا شمار نیوزی لینڈ کے وکٹ کیپرز میں ہوتا ہے۔ لیوک ووڈ کاک نے آٹھ دسمبر سنہ دو ہزار دس کو پاکستان کے خلاف اپنا پہلا ٹی ٹوئنٹی میچ کھیلا۔ لیوک ووڈ کاک نے ابھی تک ون ڈے اور ٹیسٹ کیرئیر کا آغاز نہیں کیا ہے۔