هرات ده قهرتان ساوغ بنگی لر حیاتی نی تهدید ایتماقده

  • 7 يناير/ كانون الثاني 2014

ههرات ده قهرتان ساوغ بنگی لر حیاتی نی تهدید ایتماقده

  • هرات شهری شمال غربیده جایلشکن کمرکلاغ منطقه سیده مخدره ماده لرگه چلینگن یوز لب بنگی حیات کیچیرماقده.

  • بنگی لر هرات شهری نینگ کمرکلاغ منطقه سیدن علاوه مناره لر اطرافی و سلطان آغا زیارتی تورک اطرافیده تاش و کیسی دن قورشیگن کپه لرده کون کیچره دیلر .

  • بنگی لر کوندوز کونی شهرخیابان لریده سوال گر لیک قلیش دن علاوه ، چیقندی لر آره سیدن تیمیر تقه و پلاستیکی ایدیش و اشیا لرنی توپلب قولگه کلترگن مبلغ دن مخدره ماده ساتیب اله دیلر.

  • افغانستان غربیدکی انسان حق لریدن حمایه ایتوچی مستقل کمیسیون ملازم لری ، هر ییل قیش موسومی یتیب کلیشی بیلن ، بنگی لر قهرتان ساووغ و آذوق اوقات تاپه آلمس لیک لری سبب لی تلف بولیش لریدن تشویش اظهار ایتماقده .

  • کمیسیون نه فقط هرات بلکه مملکت نینگ برچه ولایت لریده تورلی خیل مخدره ماده لر آشکارا ساتیلیشی و خوف سیزلیک ارگان لر اونی آلدی نی آلیش ده موفق بولمگنی دن جدی تنقیدلگن .

  • انسان حق لریدن حمایه ایتوچی مستقل کمیسیون ، هرات شهریده خیابانی و باش پناه سیز بنگی لر سانی نی باله و عیال لر داخل بیش مینگ کیشی تخمین ایتکن اما قیش موسومی یتیب کلیشی بیلن هرهفته آچ لیک ، ساوغ لیک و مخدره ماده گه قول تاپه آلمگن اینگ آز اوچ تورت کیشی تلف بولیشی دن آگاه لنترگن.

  • اگر دولت بنگی لرنی اصلی اوی جای لریده یتیب باریش اوچون یاردم بیرسه اکثر بنگی لر عایله و قوم قرنداش لری یاردمی بیلن مخدره ماده لر استعمالی نی ترک ایته میزدی دیلر.

  • هرات شهری ایریم یشوچی لری مخدره ماده بنگی لر سانی کون اوتیشی بیلن آرتیب باریشی دن تشویش بلدیریب آخرکی آی لرده جنایی جرم و اوغریلیک کوپی گنی گه شوبنگی لر دخلدار بولگنی نی تاکیدلیدلر.

  • انسان حق لریدن حمایته ایتوچی مستقل کمیسیون بنگی لردن حمایه ایتیش مقصدیده هرچند هرات حاکم لیگی تمانیدن بیرکمیته ایجاد ایتیلیشی دن خبر بیرگن اما بو کمیته حاضرگه قدر قندای بیر ایجابی ایش قلمگنی هم تاکیدلیدی .

  • هرات ولایتی ده مخدره ماده لرگه چلنیگن قریب 70 مینگ کیشی بارلیگی تخمین بولگن . بولردن قریب 40% یاش باله لر و عیال لر بولگنی ایتیلماقده.

  • اوتکن اون ییل لر ده مخدره ماده لرنی ترک ایتیش اوچون بیرقطار دولتی و خصوصی مرکزلرهرات ده ایجاد ایتیلیب فعالیت قلماقده ، اما بنگی لر سانی کوپ بولگنی و خصوصی مرکزلر آرقلی کورستله یاتکان خذمت بها سی قیمت بولگنی سبب ، بو توغریدکی فعالیت لر ییریک تاثیر قویمگن .