امیرعلیشیرنوایی میراث لریگه بیر نظر

امیرعلیشرنوایی حضرت لری نینگ هرات ده گی مقبره سی اوتکن ییلی افغانستان مدنیت و خبروزیرلیگی تمانیدن قوریلدی .

ایسکی مقبره قریب سکیز ییل آلدین اوزبیکستان نینگ خلق ارا بابر مدنی جمغرمه سی تمانیدن اوییلدی اما قیته قوریلمه دی.

امیرعلیشرنوایی حضرت لری اوز حیاتی دودریده نه فقط هرات بلکی دنیا نینگ کوپگینه منطقه لریده کوپلب ابده لر قوریشگن .

امیرعلیشیرنوایی حضرت لری مقبره سی گوهرشاد بیگیم باغیده و هرات مناره لری یقینی ده جایلشکن .

مناره لر یانیده تیموریلر خاندانی نینگ بویوک و علم پروری پادشاهی سلطان حسین بایقرا مقبره سی هم جایلشکن . بو مقبره نینگ قیته قوریلیشی اوچون حاضرگه قدر هیچ بیر ایش بولمه گن.

سلطان حسین بایقرا مقبره سی اطرافی مخدره ماده لرگه چلینگن بنگی لر مرکزی گه ایلنگن .

هرات شهری مرکزیده جایلشکن اختیارالدین قلعه سی امیر علیشرنوایی تشبثی بیلن پشیق واساسی شکلده خشت دن قوریلگن.

دنیا نینگ بیش بویوک مسجدی دن بیری هرات جامع مسجدی هم امیرعلیشیرنوایی وزارتی وقتی ده قوریلگن .

هرات ده اون لرچه تاریخی حوض لر هم امیرعلیشیرنوایی وزیرلیگی وقیتده قوریلگن . بو حوض لردن بیرقنچه سی آخرگی ییل لرده قیته قوریلدی .

حوض ملک حاضر یاش نسلی گه نقاش لیک و رسام لیک اورگه تیش مرکزی بولگن.

هرات ده تیموری لر دوریده قوریلگن یوزلرچه تاریخی ابده لر موجود . اولردن بیری قدیمی تاریخ گه ایگه بولگن پارک جامع مسجدی دیر.

هرات جامع مسجدی کاشی لری و کاشی لریوزدکی خطاط لیک جهان بویلب مثل سیزایکنی تاریخی کتب لرده قید ایتیلگن .

هرات جامع مسجدی برچه رواق لری شونده ی کتیبه لر بیلن بیزه لگن .

سلطان حسین بایقرا مدرسه سی اطرافیده گی اون مناره دن حاضر فقط بیش ته سی قالگن. اینگ قدیمی تاریخ گه ایگه بولگن بو مناره کج بولگن و باشقه مناره لرهم اوتکن ییل لرده گی اورش لردن کوپ زیان کورگن.