Glaw yn rhwystro Morgannwg

Doedd dim chwarae yn bosib rhwng Morgannwg a Gwlad yr Haf yng nghystadleuaeth 20/20 Friends Life yn Stadiwm Swalec ddydd Gwener oherwydd y glaw.

Mae'r ddau dîm yn casglu pwynt yr un, sy'n golygu bod Morgannwg yn aros un safle o waelod y tabl.

Mae pump o naw gêm y Dreigiau yn y gystadleuaeth eleni wedi cael eu gohirio oherwydd y glaw.

Does dim gobaith i Forgannwg gyrraedd rownd yr wyth olaf ac fe fydd eu gêm olaf yn y gystadleuaeth eleni yn erbyn Swydd Warwick yn Edgbaston ddydd Sul.