France iyo Germany oo soo gudbay

France iyo Germany ayaa u gudbay wareegga sideedda koox kadib markii ay ka adkaadeen kooxihii ugu dambeeyay ee Afrika ee kala ah Nigeria iyo Algeria.

German ayaa Algeria ku garaacday 2-1. Halka Farance ay Nigeria uga badisay laba gool iyo waxba.

Marka la isbarbar dhigo labada ciyaar waxaa aad u adkeyd tan ay wada lahaayeen Algeria iyo Germany, taas oo xittaa ay isla gaareen 30 daqiiqo oo dheeraad ah.

Ciyaarta dhexmartay Frence iyo Nigeria, waxaa loo arkay inay labada dhinac ay u ciyaarayeen si isku mid ah, walow ay iska beerdareeyeen fursado badan.

Nigeria ayaa heshay fursadaha ugu badan ee ay gool ku dhallin kareen, laakiin ma aysan ka faa;ideysan. Dhanka France, waxaa aad u hor istaagay oo u diiday inay gool dhaliyaan gool-hayaha kooxda Nigeria.

France iyo Germany waxay kuwada kulamayaan wareegga sideedda koox ama rubuc dhammaadka ciyaaraha.

Dhanka kale, guddiga ciyaaraha ee dalka Cameroon ayaa sheegaya inay baarayaan sheegashooyiin ah ciyaar lagu heshiiyay natiijadeeda in tii lagu guda jiray ololaha koobka adduunka.

Waxaa laga adkaaday dhammaan seddaxda kullan ee ay ciyaareen, iyadoo mid ka mid ah oo ay la yeesheen Croatia looga badiyay 4-0