Morgannwg yn wynebu talcen caled yn erbyn Caint

Mae gan Forgannwg fynydd i'w ddringo yn erbyn Caint yng Nghaergaint lle llwyddodd y tim cartre i gyrraedd 156 am 2 hyd yn hyn ar ddiwrnod olaf y gêm bencampwriaeth.

Erbyn diwedd y diwrnod cyntaf roedd y tîm cartref wedi sgorio 310 am bedair wiced, gan gynnwys 100 yr un i fatiwr prawf India'r Gorllewin, Brendan Nash, a Darren Stevens.

Ond cipiodd Huw Waters ddwy wiced gynnar - wicedi Nash (114) gafodd ei ddal gan y capten Mark Wallace, a Stevens (123) gafodd ei ddal gan Dean Cosker.

Roedd troellwr Lloegr, James Tredwell, allan am 11 rhediad a chipiodd Dean Cosker ei wiced gyntaf wrth i Jim Allenby ddal Matthew Coles wedi 26 rhediad.

Bowliwr mwyaf llwyddiannus Morgannwg ym mhatiad cyntaf Caint oedd James Harris wnaeth gipio pum wiced am 109 rhediad oddi ar 31 o belawdau.

Enillodd Morgannwg eu gêm gyntaf yn yr Ail Adran eleni wedi iddyn nhw guro Sir Northampton ddydd Mawrth.

Ond maen nhw ar waelod yr adran o hyd.

Caint v Morgannwg (diwrnod olaf)

Caint: (Batiad cyntaf):456 am 9

(Ail fatiad) 156 am 2 (48.3 pelawd)

Morgannwg: (Batiad cyntaf) 389 i gyd allan (112.1 pelawd)