TOOS, In ka badan kala bar codadka doorashada Israa’iil ayaa la tiriyey, iyadoo laga baqayo in Netanyahu iyo Gedi Eisenkot midkoodna uusan helin aqlabiyadda loo baahnaa

Tebin toos ah

1. 2 Saacadood ka horDoorashada Israa'iil: Xisbigee hoggaaminaya?

   Xogtii ugu dambeysay ee Guddiga Dhexe ee Doorashooyinka Israa’iil ayaa muujinaysa in tartan adag uu weli u dhexeeyo Benjamin Netanyahu iyo Gadi Eisenkot, iyadoo la tiriyey in ka badan kala bar codadkii la dhiibtay.

   Telefishinnada Israa’iil ee Kan, Channel 12 iyo Channel 13 ayaa saadaaliyey in Netanyahu uu heli doono 55 kursi, halka Eisenkot uu heli doono 49 kursi.

   Qofka ku guuleysta doorashada ayaa u baahan ugu yaraan 61 kursi oo ka mid ah baarlamaanka Israa’iil ee Knesset, si uu u dhiso dowlad aqlabiyad leh.

   Natiijooyinkani weli kama dambays ma aha, waana isbeddeli karaan.

   Tirada dadka ka qaybgalay doorashada Talaadadii ayaa ahayd tii ugu sarreysay muddo tobannaan sano ah.

   Sida uu sheegay Guddiga Dhexe ee Doorashooyinka Israa’iil, markii codbixintu xirmatay 22:00 habeenimo waqtiga maxalliga ah, waxaa codkooda dhiibtay boqolkiiba 77.7 dadka xaqa u lahaa inay codeeyaan. Taasi waa heerkii ugu sarreeyay ee xilligan oo kale la diiwaangeliyo tan iyo 1999.

   Warar dheeraad ah :

   Harry Kane oo soo afjaray 25 sano oo England ay sugaysay abaal marinta Ballon d'Or

   Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

   Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

2. 3 Saacadood ka horIsbahaysiga Naftali Bennett oo ka hor maray isbahaysiga Carabta doorashada Israa’iil

   Wararkii ugu dambeeyay ee xogta Guddiga Dhexe ee Doorashooyinka Israa’iil ayaa muujinaysa in hoggaanka xisbiga Likud ee uu hoggaamiyo Benjamin Netanyahu uu wax yar hoos uga dhacay 21.7% ilaa 20.8% codadka.

   Xisbiga Yashar ee uu hoggaamiyo Gadi Eisenkot ayaa weli ku jira kaalinta labaad, isagoo helay 17.06% codadka.

   Isbahaysiga “Together” ee uu hoggaamiyo Naftali Bennett ayaa helay 9.2% codadka, wuxuuna ka hor maray isbahaysiga “Joint List” ee xisbiyada Carabta, isagoo galay kaalinta saddexaad.

   Warar dheeraad ah :

   Harry Kane oo soo afjaray 25 sano oo England ay sugaysay abaal marinta Ballon d'Or

   Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

   Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

3. 3 Saacadood ka horWargeysyada maanta ee Tehran oo aan wax weyn ka qorin doorashada Israa’iil

   Wargeysyada maanta ka soo baxay magaalada Tehran ee caasimadda Iran ayaan bogaggooda hore war weyn kaga qorin doorashada Israa’iil, iyaga oo si aamusnaan ah uga gudbay.

   Dhanka kale, dadka reer Iran ee isticmaala baraha bulshada, oo ay ku jirto barta X, ayaa si firfircoon ula socday natiijooyinka doorashada Israa’iil, iyadoo dood kulul ay ka socotay saamaynta ay doorashadu ku yeelan karto Iran iyo xaaladda dagaalka ee hadda taagan.

   Inkasta oo wargeysyada Iran aysan si weyn u soo bandhigin doorashada Israa’iil, haddana wakaaladaha waaweyn ee wararka ee dalkaas iyo telefishinnada dowladda ayaa qayb weyn oo ka mid ah wararkooda u qoondeeyay natiijooyinka doorashada.

   Iran waxay rajaynaysaa in haddii dowladda Benjamin Netanyahu ay xilka ka tagto, uu burburo isbahaysiga militari ee Israa’iil iyo Maraykanka, isla markaana uu yaraado awoodda ay labada dal ku sii wadaan dagaalka ka dhanka ah Iran.

   Warar dheeraad ah :

   Harry Kane oo soo afjaray 25 sano oo England ay sugaysay abaal marinta Ballon d'Or

   Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

   Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

4. 4 Saacadood ka horIska horimaad dhexmaray ciidamada Pakistan iyo Afghanistan

   Hal qof oo rayid ah ayaa ku dhintay, saddex kalena way ku dhaawacmeen iska horimaad dhexmaray ciidamada Pakistan iyo Afghanistan, kaas oo ka dhacay deegaanka xuduudda ee Angoor Adda, gobolka Koonfurta Waziristan.

   Waxaa sidoo kale la soo sheegay in waxyeello ay gaartay guryo iyo dukaamo ku yaalla deegaanka xuduudda.

   Ku-xigeenka guddoomiyaha degmada Koonfurta Waziristan Hoose ayaa sheegay in habeenkii 27-ka Oktoobar, ururka Daalibaan ee Afghanistan uu rasaas iyo madaafiic ku weeraray guryo ay dad rayid ahi deggan yihiin, kuwaas oo ku yaalla suuqa Angoor Adda iyo deegaannada xuduudda.

   Sida lagu sheegay qoraalka, hoobiye ay Daalibaan ridday ayaa ku dhacay guri, waxaana ku dhintay hal qof oo rayid ah, halka shan kalena ay ku dhaawacmeen.

   Dukaamo dhowr ah oo suuqa ku yaalla ayaa sidoo kale waxyeello ka soo gaartay duqeynta. Dadka dhaawacmay ayaa loo qaaday isbitaalka si loo daweeyo.

   Ku-xigeenka guddoomiyaha ayaa sheegay in ciidamada Pakistan ee ku sugan xuduudda ay si wax ku ool ah oo xooggan uga jawaabeen weerarka lagu beegsaday dadka rayidka ah.

   Askari boolis ah oo ka hawlgala Koonfurta Waziristan , kaas oo BBC-da la hadlay isaga oo codsaday inaan magaciisa la shaacin, ayaa sheegay in rasaas la sheegay inay sabab la’aan uga timid dhinaca Afghanistan, isla markaana madaafiic ay ku dhaceen deegaanno ay dadku ku nool yihiin.

   Wuxuu intaas ku daray in ciidamada ammaanka Pakistan ay ka jawaabeen weerarka, iyaga oo beegsaday dhowr saldhig oo ay leeyihiin ciidamada Afghanistan.

   Qof deegaanka Angoor Adda deggan ayaa sheegay in rasaas iyo madaafiic culus ay si lama filaan ah u bilowdeen galabnimadii Talaadada.

   Sida uu sheegay, madfac ayaa ku dhacay guri ay dad deggan yihiin, waxaana ku dhintay hal qof, saddex kalena way ku dhaawacmeen.

   Markii BBC-du la xiriirtay Hamdullah Fitrat, ku-xigeenka afhayeenka dowladda Daalibaan ee Afghanistan, wuxuu sheegay in afhayeenka Wasaaradda Difaaca oo keliya uu arrintan ka bixin karo war rasmi ah.

   Xiisadaha ka taagan xuduudda Pakistan iyo Afghanistan ayaa si goos-goos ah u soo socday labadii sano ee la soo dhaafay.

   Warar dheeraad ah :

   Harry Kane oo soo afjaray 25 sano oo England ay sugaysay abaal marinta Ballon d'Or

   Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

   Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

5. 4 Saacadood ka horNetanyahu iyo Eisenkot oo labaduba sheegay inay isku dayayaan inay soo dhisaan dowlad

   Labada musharrax ee ugu waaweyn doorashada Israa’iil, Benjamin Netanyahu iyo Gadi Eisenkot, ayaan weli gaarin aqlabiyadda kuraasta ee looga baahan yahay inay xukunka la wareegaan, sida ay muujinayaan natiijooyinka hordhaca ah. Si kastaba ha ahaatee, labadooduba waxay sheegeen inay isku dayi doonaan dhismaha dowlad cusub.

   Iyadoo tirinta codadku ay weli socoto, waxaa muuqata in Ra’iisul Wasaaraha xilka haya, Benjamin Netanyahu, uu ka natiijo wanaagsan yahay sidii hore loo filayay.

   Xisbigiisa Likud ayaa helay codadka ugu badan marka loo eego xisbiyada gaarka ah, balse weli ma uusan gaarin aqlabiyad uu keligiis dowlad ku dhisi karo.

   Gadi Eisenkot, oo ahaa taliyihii hore ee ciidamada Israa’iil ahna ninka ugu weyn ee Netanyahu kula tartamaya doorashada, ayaan ilaa hadda awoodin inuu baarlamaanka gacanta ku dhigo isaga oo aan taageero ka helin xisbiyada Carabta ee Israa’iil, kuwaas oo doorashadan natiijo wanaagsan ka gaaray.

   Netanyahu ayaa khudbad uu u jeediyay taageerayaashiisa kaga hadlay weerarka saddexaad ee Iran, isaga oo sheegay in Israa’iil iyo Madaxweynaha Maraykanka Donald Trump ay haystaan “fursad aan hore loo arag” oo ay “hal mar iyo dhammaanba ku soo afjari karaan khatarta Iran”.

   Warar dheeraad ah :

   Harry Kane oo soo afjaray 25 sano oo England ay sugaysay abaal marinta Ballon d'Or

   Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

   Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

6. 5 Saacadood ka horPentagon-ka oo sheegay in Maraykanku ilaa hadda dagaalka Iran ku bixiyay 47 bilyan oo doollar

   Wakaaladda wararka ee Reuters, oo dib u eegtay xogta Pentagon-ka, ayaa sheegtay in militariga Maraykanku ilaa hadda ku bixiyay in ka badan 47 bilyan oo doollar dagaalka Iran.

   Xogtan ayaa muujinaysa in kharashku 25% ka badan yahay qiyaastii ay Wasaaradda Difaaca Maraykanku soo saartay bishii Luulyo.

   Sida ay sheegtay Reuters, kharashaadka ugu badan waxaa ka mid ah in ka badan 29 bilyan oo doollar oo lagu beddelayo rasaasta iyo hubka la isticmaalay, iyo in ka badan lix bilyan oo doollar oo lagu bixiyay qalabka milatari.

   Tirooyinkan kuma jiraan qiyaasta kharashka lagu dayactirayo saldhigyada Maraykanka ee ay waxyeelleeyeen weerarrada gantaallada iyo diyaaradaha aan duuliyaha lahayn ee Iran.

   Warar dheeraad ah :

   Harry Kane oo soo afjaray 25 sano oo England ay sugaysay abaal marinta Ballon d'Or

   Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

   Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

7. 5 Saacadood ka horIsku dheelitirka kuraasta labada isbahaysi ma wuxuu ugu dambayn faa’iido u noqon doonaa Netanyahu?

   Iyadoo natiijooyinka doorashada Israa’iil si tartiib-tartiib ah loo shaacinayo, telefishinka Channel 12 ayaa saadaaliyay in isbahaysiga uu hoggaamiyo Ra’iisul Wasaare Benjamin Netanyahu ee xisbiga Likud uu si dirqi ah ugu horreeyo, isagoo helaya 52 kursi, halka mucaaradku helayo 49 kursi.

   Hase yeeshee, labada dhinac midkoodna weli ma gaarin 61-ka kursi ee loo baahan yahay si uu aqlabiyad ugu yeesho baarlamaanka Israa’iil ee Knesset, oo ka kooban 120 kursi.

   Xaaladdan ismari-waaga ah ayaa laga yaabaa inay Netanyahu faa’iido u noqoto, isaga oo sii ahaan kara ra’iisul wasaare inta ay dowladdu sii haynayso xilka, gaar ahaan haddii wadaxaajoodyada dhismaha isbahaysi cusub ay dheeraadaan, ayna suurtagal noqoto in doorasho kale la qabto.

   Xisbiyada diimeed ee garabka midigta fog, oo ay hoggaamiyaan Itamar Ben-Gvir iyo Bezalel Smotrich, ayaa la saadaalinayaa inay guud ahaan ka helaan 13 kursi isbahaysiga Netanyahu, iyadoo aan midkoodna la filayn inuu si weyn u kordhiyo kuraastii uu haystay.

   Dhanka kale, xisbiyada Carabta oo aan ku jirin labada isbahaysi ee waaweyn ayaa door muhiim ah ka ciyaari kara go’aaminta cidda awoodda yeelanaysa.

   Balse Gadi Eisenkot, hoggaamiyaha xisbiga Yashar ahna taliyihii hore ee guud ee ciidamada Israa’iil, ayaa meesha ka saaray suurtagalnimada inuu dowlad la dhisto iyadoo ay ka qaybgalayaan xisbiyada Carabta. Arrintan ayaa sii adkaynaysa fursadaha uu awoodda kula wareegi karo.

   Warar dheeraad ah :

   Harry Kane oo soo afjaray 25 sano oo England ay sugaysay abaal marinta Ballon d'Or

   Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

   Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

8. 6 Saacadood ka horNetanyahu oo sheegay in la haysto “fursad aan hore loo arag” oo wax looga qaban karo khatarta Iran

   Dhammaadkii khudbad uu Arbacadii subaxdii u jeediyay taageerayaashiisa, Benjamin Netanyahu ayaa sheegay in Israa’iil iyo Madaxweynaha Maraykanka Donald Trump ay haystaan “fursad aan hore loo arag” oo ay “hal mar iyo dhammaanba ku soo afjari karaan khatarta Iran”.

   Israa’iil iyo Maraykanka ayaa sannadkii 2025-kii si wadajir ah u weeraray xarumo nukliyeer oo ku yaalla Iran. Labada dal ayaa sidoo kale bishii Febraayo weerarro wadajir ah ku qaaday Iran, kuwaas oo horseeday inuu qarxo dagaalka hadda socda.

   Sida ay qabaan falanqeeyayaasha, guul uu gaaro isbahaysiga uu hoggaamiyo Netanyahu ama kan uu hoggaamiyo Gadi Eisenkot uma badna inay wax ka beddesho mowqifka Israa’iil ee dagaalka ay kula jirto Iran.

   Warar dheeraad ah :

   Harry Kane oo soo afjaray 25 sano oo England ay sugaysay abaal marinta Ballon d'Or

   Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

   Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

9. 6 Saacadood ka horxog kooban oo ku saabsan doorashada Israa’iil

   Doorashadii Talaadadii ka dhacday Israa’iil, oo ay ka qaybqaateen 77% dadka xaqa u lahaa codbixinta, ay hadda mareyso marxaladda tirinta codadka iyo go’aaminta natiijada.

   Waa kuwan qodobada ilaa hadda laga og yahay natiijada doorashada:

   - Weli lama oga cidda ku guulaysan doonta doorashada Israa’iil, maadaama tartanku aad isugu dhow yahay, isla markaana aan la saadaalin karin natiijada kama dambaysta ah.

   Natiijooyiinka hordhaca ah oo la cusboonaysiiyay kaddib markii codbixintu dhammaatay ayaa muujiyay in garabka midig ee Benjamin Netanyahu iyo isbahaysiga mucaaradka ee uu hoggaamiyo Gadi Eisenkot ay min 51 kursi heli karaan. Waxaa loo baahan yahay ugu yaraan 61 kursi si loo dhiso dowlad aqlabiyad leh.

   - xogta saddexaad ee la cusboonaysiiyay ayaa muujiyay in isbahaysiga Netanyahu uu hoggaaminayo, balse farqigu uu aad u yar yahay.

   - Sahannada qaarkood ee doorashada kaddib la sameeyay ayaa tilmaamaya in xisbiyada Carabtu ay gaari karaan natiijadoodii ugu fiicnayd abid, iyagoo ku guulaysan kara ugu yaraan 17 kursi.

   - Netanyahu ayaa sheegay inuu sugayo “natiijooyinka dhabta ah”, wuxuuna ballanqaaday inuu soo dhisi doono dowlad qaran oo xooggan, kana tirsan garabka midig.

   - Eisenkot ayaa xarunta xisbigiisa ku soo dhaweeyay natiijooyinka hordhaca ah, isaga oo taageerayaashiisa u sheegay: “Waxaan sameynay taariikh.”

   - Tirinta rasmiga ah ee codadka ayaa weli socota. Ilaa 4-tii aroornimo, waqtiga Israa’iil, oo u dhiganta, waxaa la tiriyay ku dhowaad 25% codadka.

   - Kormeerayaal ayaa hore u sheegay in doorashadu u ahayd Netanyahu “habeen aad iyo aad ugu xumaa”.

10. 6 Saacadood ka horIyadoo la tiriyay 25% codadka, xisbiga Likud ayaa hoggaaminaya.

    Guddiga Dhexe ee Doorashooyinka Israa’iil ayaa sheegay in la tiriyay in ka badan 1.6 milyan oo cod oo laga dhiibtay doorashada baarlamaanka dalkaas.

    Sida ku cad xogtii rasmiga ahayd ee la cusboonaysiiyay 4:47 aroornimo, waqtiga maxalliga ah, xisbiga Likud ee uu hoggaamiyo Ra’iisul Wasaare Benjamin Netanyahu ayaa weli hoggaaminaya, isagoo helay 24.22% codadka la tiriyay, halka xogtii hore ay muujinaysay 36.23%.

    Xisbiga Yashar ee uu hoggaamiyo Gadi Eisenkot ayaa kaalinta labaad ku jira, isagoo helay 41.15% codadka, marka loo eego 74.15% uu ku lahaa xogtii hore.

    Liiska Wadajirka ah, oo ay ku mideysan yihiin Carab iyo Yuhuud, ayaa kaalinta saddexaad u soo kacay, isagoo helay 28.8% codadka. Wuxuu wax yar ka horreeyaa xisbiga Yisrael Beitenu ee uu hoggaamiyo Naftali Bennett, kaas oo helay 22.8%.

    Warar dheeraad ah :

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

11. 7 Saacadood ka horDoorashada Israa’iil: Netanyahu oo wajahaya Eisenkot, iyadoo aan weli la saadaalin karin cidda guulaysan doonta

    Guddiga Dhexe ee Doorashooyinka Israa’iil ayaa ku qiyaasay in boqolkiiba 77 ay ahayd tirada dadka codkooda dhiibtay doorashadii Talaadadii, iyadoo guddigu bilaabay inuu si tartiib-tartiib ah u shaaciyo natiijooyinka codadka la tiriyay.

    Ra'yi uruurin laga qaaday codbixiyeyaasha marka ay goobaha codbixinta ka baxayaan ayaa muujinaya in isbahaysiga mucaaradka ee uu hoggaamiyo Gadi Eisenkot uu hoggaaminayo tartanka, kana horreeyo isbahaysiga Ra’iisul Wasaare Benjamin Netanyahu.

    Hase yeeshee, xisbiga ugu weyn mucaaradka ayaan u muuqan inuu heli doono kuraas ku filan oo uu keligiis ku dhiso dowlad, haddii uusan isbahaysi la samaysan xisbiyo kale.

    Waa doorashooyinkii ugu horreeyay ee Israa’iil tan iyo weerarkii Xamaas ee 7-dii Oktoobar, waxaana si weyn u saameeyay dagaalka Qasa iyo iska horimaadka militari ee Iran.

12. 27 Oktoobar 2026Xuutiyiinta oo bartilmaameedsaday xarumo Sacuudiga ah oo ay ka mid yihiin Wasaaradda Difaaca iyo warshad sifeysa shidaalka

    Kooxda Xuutiyiinta ee Ansar Allah ee dalka Yemen ayaa ku dhawaaqday inay bartilmaameedsadeen Wasaaradda Difaaca Sacuudiga oo ku taal caasimadda Riyaad.

    Afhayeenka kooxda, Yahya Saree, ayaa sheegay in weerarka loo adeegsaday gantaal baalistik ah, isla markaana uu si toos ah u haleelay bartilmaameedka.

    Hase yeeshee, mas'uuliyiinta Sacuudiga ayaa horraantii maalintii Talaadada ku dhawaaqay in difaaca boqortooyadu uu qabtay, isla markaana burburiyay, laba gantaal oo nooca ridada dheer ah (ballistic missiles) ka hor inta aysan gaarin bartilmaameedyadooda.

    Wakaaladda Wararka ee rasmiga ah ee Sacuudiga ayaa xigatay Difaaca Madaniga ah ee Boqortooyada aya oo leh "qashin ka dhashay qabashada laba gantaal oo ballistic ah oo ay soo rideen Xuutiyiinta ayaa sababay burbur hantiyeed oo ka dhacay caasimadda Riyadh."

    Ka dib duhurnimadii Talaadada, mas'uuliyiinta difaaca madaniga ah ayaa soo saaray digniin ku saabsan weerar cirka ah oo ka dhacay caasimadda Sacuudiga, weriye ka tirsan AFP oo ku sugan Riyaad ayaa soo sheegay in qaraxyo la maqlay.

    Mar sii danbeeysay, Xuutiyiintu waxay ku dhawaaqeen inay diyaarad aan duuliye lahayn ku weerareen garoonka diyaaradaha ee Abha, oo ku yaalla koonfur-galbeed ee Sacuudi Carabiya.

    Kooxda ay Iiraan taageerto ayaa horay u shaacisay maalintii Talaadada inay bartilmaameedsatay laba diyaaradood oo ciidan oo loogu talagalay gaadiidka, kuwaas oo ku sugnaa koonfurta Sacuudi Carabiya: "midda koowaad oo ku jirtay garoonka diyaaradaha ee Najran iyo tan labaadna oo ku jirtay Saldhigga Cirka ee Boqor Khaalid ee ku yaalla Khamis Mushait."

    Markaasi ka hor, kooxda Xuutiyiinta ayaa sidoo kale shaacisay inay bartilmaameedsadeen xarunta sifeynta shidaalka ee Ras Tanura oo ku taal bariga Sacuudiga, iyagoo adeegsanaya "gantaal ballistic ah, kaas oo sababay in goobta uu dab ka kaco," sida uu sheegay afhayeenka kooxda.

13. 27 Oktoobar 2026Askar ka tirsan Milatariga Soomaaliya oo muddo ku xirnaa dawlad deegaanka Soomaalida oo dalka dib ugusoo laabtay

    In ka badan labo boqol oo askari oo ka tirsan Milatariga Soomaaliya oo muddo ka badan bil ku xirnaa dawlad deegaanka Soomaalida Itoobiya ayaa dib ugu laabtay, deegaannadii markii horeba laga qoray ee gobolka Bakool ee Koonfurta Galbeed ee Soomaaliya.

    Ciidamadan oo fasax ugu socday gobolka Bakool, kana soo laabtay tababbar ugu soo dhammaaday gobolka Galgaduud ee bartamaha Soomaaliya ayaa sii maray gudaha dawlad deegaanka, kadibna halkaas ayaa laga qabtay, waxana loo gudbiyay magaalada Jigjiga, iyadoo markii dambena lagu xiray magaalada Diridhabe.

    Ciidamadaasi waxaa lagu soo waramayaa in lagu soo dhaweeyay shalay galinkii dambe degmada Ceel Barde ee gobolka Bakool sida uu sheegay uu BBCda u sheegay gudoomiyaha degmadaasi Cabdiraxmaan Kheyre .

    Warar dheeraad ah :

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

14. 27 Oktoobar 2026Tirada kiisaska la xaqiijiyay ee cudurka Ebola ee Congo oo kor u dhaaftay toban kun

    Mas'uuliyiinta caafimaadka ee Jamhuuriyadda Dimuqraadiga ah ee Kongo ayaa sheegay in tirada kiisaska la xaqiijiyay ee cudurka Ebola ay kor u dhaaftay toban kun.

    In ka badan afar kun iyo siddeed boqol oo qof ayaa la xaqiijiyay inay u dhinteen cudurkan, kaas oo ah kii ugu dhimashada badnaa ee abid ka dillaaca dalkaas.

    Inkastoo xuddunta cudurku ay tahay gobolka Ituri, haddana inta badan kiisaska cusub ayaa kasoo ifbaxaya gobolka Waqooyi ee Kivu. Tan iyo markii bishii May lagu dhawaaqay inuu dillaacay nooca fayraska ee loo yaqaan 'Bundibugyo', kiisas Ebola ah ayaa laga diiwaangeliyay dhowr waddan oo Afrikaan ah, kuwaas oo ay ugu dambeeyeen Kenya iyo Nayjeeriya.

    Warar dheeraad ah :

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

15. 27 Oktoobar 2026Tobanaan askari oo ciidanka Soomaaliya ah oo lagu dilay dagaal ay la galeen Al-Shabaab, sida ay askartu sheegeen

    Ilaa Tobaneeyo askari oo ka tirsan ciidanka Soomaaliya ayaa lagu dilay dagaal xooggan oo dhexmaray iyaga iyo kooxda Al-Shabaab koonfurta Soomaaliya, sida ay wakaaladda wararka ee Reuters u sheegeen laba askari; halka Wasaaradda Gaashaandhiggu ay sheegtay in ciidamada dowladdu ay dileen ilaa 75 dagaalyahan.

    Wasaaradda Gaashaandhigga Soomaaliya ayaa sheegtay in dagaal ka dhacay aagga Jameeco ee degmada Buurhakaba lagu dilay ilaa 75 dagaalyahan, halka 56 kalena lagu dhaawacay. Warbixinta laguma xusin tirada askarta dowladda ee ku dhintay ama ku dhaawacmay dagaalka.

    Soomaaliya, oo muddo ku dhow labaatan sano la daalaa-dhacaysay kacdoon ay wadaan kooxda Al-Shabaab.

    Wasaaradda Gaashaandhigga ayaa sheegtay in dagaalyahannadu ay ciidanka qaranka ku weerareen baabuur laga buuxiyay walxaha qarxa, taas oo sababtay in gaadiid ciidan ay waxyeello soo gaarto.

    Labo askari ayaa wakaaladda wararka ee Reuters u sheegay in dagaalkaasi ay ku dhinteen tiro askar ah.

    Warar dheeraad ah :

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

16. 27 Oktoobar 2026Xabbad joojin ay ku heshiiyeen Ruushka iyo Yukrayn oo ka dhaqan gashay magaalada Oleshky

    Xabbad joojin maxalli ah oo ay ku heshiiyeen Ruushka iyo Yukrayn oo ka dhacaysa magaalada Oleshky ee ay Ruushku qabsadeen ayaa u muuqata inay dhaqangasahay .

    Afhayeenka Kremlin (Dmitry Peskov) ayaa sheegay in aan la soo sheegin wax xadgudub ah tan iyo markii xabad joojintu dhaqan gashay habeenimadii xalay.

    Waxaa la rajeynayaa in joojinta dagaalku ay suurtogalin doonto gaarsiinta gargaarka iyo daadgureynta dadka rayidka ah ee ku xayiran.

    Madaxweyne Zelensky ayaa sheegay in weerarradii ugu dambeeyay ee Ruushku ka geystay meelo kale oo Yukrayn ah ay muujinayaan koror halis ah. Wuxuu sheegay in Moscow ay habeenkii oo dhan kuusoo riday lix iyo toban gantaal oo kuwa dheereeya ah ee ballistic iyo in ka badan laba boqol iyo siddeetan diyaaradood oo aan duuliye lahayn. Saraakiishu waxay sheegeen in hal qof uu dhintay afar iyo toban kalena ay ku dhaawacmeen halkaas.

    Warar dheeraad ah :

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

17. 27 Oktoobar 2026Xuutiyiintu oo u arka taageerada difaac ee Masar ay siiso Sacuudi Carabiya inay tahay "ku dhawaaqid dagaal"

    Maxamed Cali al-Xuuthi, oo xubin ka ah golaha siyaasadeed ee kooxda Xuuthiyiinta ee "Ansar Allah", ayaa u arka oggolaanshaha baarlamaanka Masar uu siiyay Madaxweyne Cabdel Fataax al-Siisi—si uu u qaado tallaabooyin difaac ah oo lagu taageerayo Sacuudi Carabiya—inay tahay "ku dhawaaqid dagaal" ka dhan ah Yemen; halka dhinaca kale, Qaahira ay xaqiijinayso in taageeradeedu ku kooban tahay oo kaliya difaaca dhulka Boqortooyada.

    Hadalka Xuutiyiinta ayaa imaanaya iyadoo xiisadda sii kordheysa ay ka dhex jirto kooxda iyo Sacuudi Carabiya, oo Talaadadii ku dhawaaqday inay qabatay saddex gantaal oo ballistic ah iyo afar diyaaradood oo aan duuliye lahayn oo loo diray dhulkeeda.

    Maxamed Cali al-Xuuthi ayaa hadallo uu jeediyay Talaadadii ku sheegay in taageerada ay Masar u hayso waxa uu ugu yeeray "difaaca Sacuudi Carabiya" ay ka hor imaanayso dadaallada lagu dhawaaqay ee lagu doonayo in lagu yareeyo xiisadda gobolka.

    Wuxuu intaas ku daray: "Masar iyo baarlamaankeedu waxay ku dhawaaqayaan inay taageerayaan waxa loogu yeero difaaca Boqortooyada Sacuudi Carabiya; tallaabadaasna waxay ka dhigan tahay inay dagaal ku dhawaaqayaan ka dhan ah Jamhuuriyadda Yemen."

    Warar dheeraad ah :

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

18. 27 Oktoobar 2026Iiraan, Sacuudi Carabiya, Baakistaan iyo Turkiga oo heshiis gaaray

    Iiraan, Sacuudi Carabiya, Baakistaan ​​iyo Turkiga ayaa ku heshiiyay inay sii wadaan wadahadallada ku saabsan xoojinta iskaashiga la xiriira nabadda iyo amniga gobolka, ka dib kulan ay magaalada Tehran ku yeesheen saraakiil sarsare oo ka tirsan dhinacyada milatariga iyo amniga, xilli laga cabsi qabo in dagaal cusubi uu ka qarxo gobolka.

    Telefishanka dowladda Iiraan ayaa sheegay in ka qaybgalayaashu ay isku raaceen in la sii wado wadahadallada, halka xoghayaha Golaha Amniga Qaranka ee ugu sarreeya Iiraan, Mohsen Rezaei, uu xaqiijiyay in wadahadalladu ay wax ka qabteen amniga gobolka, isagoo carrabka ku adkeeyay baahida loo qabo in dalalkoodu ay qaadaan mas'uuliyadda ku aaddan sidii loo gaari lahaa iyada oo aanay jiri faragelin shisheeye.

    Kulanka waxaa ka qayb galay Wasiirka Difaaca Sacuudiga Amiir Khaalid bin Salmaan, Taliyaha Ciidanka Pakistan Aasim Muniir, iyo Madaxa Sirdoonka Turkiga Ibraahim Kalin; waana booqashadii ugu horreysay ee wadajir ah oo ay mas’uuliyiin ka socda saddexdaas dal ku tagaan Tehran, tan iyo markii ay bishii Agoosto ee la soo dhaafay sameysteen isbahaysi dhanka difaaca ah.

    Wadahadallo u dhexeeya dhinacyada Heshiiska Difaaca Wadajirka ah ee Makka – kuwaas oo kala ah Sacuudi Carabiya, Turkiga iyo Baakistaan ​​– iyo mas’uuliyiin sare oo Iiraaniyiin ah ayaa Isniintii ka billowday caasimadda Iiraan ee Tehraan, sida ay sheegeen warbaahinta rasmiga ah.

    Warar dheeraad ah :

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

19. 27 Oktoobar 2026Madaxweynaha Eritrea Isaias Afwerki oo u safray Moscow

    Madaxweynaha Eritrea, Isaias Afwerki, ayaa subaxnimadii saakau ambabaxay magaalada Moscow si uu uga qayb galo shir-madaxeedka Ruushka iyo Afrika, sida uu shaaciyay wasiirka warfaafinta dalkiisa.

    Wareegga saddexaad ee shir-madaxeedkan oo sannad kasta la qabto, kaas oo Ruushku u adeegsado xoojinta xiriirka uu la leeyahay dalalka Afrika dhinacyo kala duwan, ayaa lagu qaban doonaa caasimadda Moscow maalmaha Arbacada iyo Khamiista, 18-ka iyo 19-ka Oktoobar 2019.

    Sida uu wasiirka warfaafinta, Mane Gebre Meskel, ku sheegay barahiisa baraha bulshada, Madaxweyne Isaias oo uu weheliyo wasiirkiisa arrimaha dibadda, ayaa shirka ka qaybgalaya, sidoo kalena wadahadallo ku saabsan xiriirka labada dal iyo arrimo kale oo ay wadaagaan la yeelan doona Madaxweynaha Ruushka, Vladimir Putin.

    Madax badan oo Afrikaan ah oo uu ku jiro Ra’iisul Wasaaraha Itoobiya, Abiy Ahmed, ayaa la filayaa inay shirka ka qaybgalaan.

    Waxaa sidoo kale la soo sheegay in Madaxweyne Vladimir Putin uu aqbalay martiqaad uu Ra’iisul Wasaare Abiy Ahmed u fidiyay si uu uga qaybgalo shir-madaxeedka, intii lagu jiray shirkii ugu dambeeyay ee BRICS ee lagu qabtay Hindiya.

    Dhanka kale, waxaa xusid mudan in dhowr toddobaad ka hor, Wasiir-ku-xigeenka Arrimaha Dibadda ee Ruushka, Alexander Alimov, uu muujiyay sida dalkiisu u danaynayo inuu dhex-dhexaadin ka sameeyo xiisadaha u dhexeeya Itoobiya iyo Eritrea.

    Wasiirku waxa uu wargeys u sheegay in Ruushku diyaar u yahay inuu labada dal siiyo fursad ay wadahadallo ku yeeshaan inta uu socdo shir-madaxeedka Ruushka iyo Afrika, haddii ay diyaar u yihiin. Waxa uu sidoo kale rajo ka muujiyay in Itoobiya iyo Eritrea ay ka faa’iidaysan doonaan fursaddaas.

    Alimov ayaa sheegay in xiisadaha u dhexeeya Itoobiya iyo Eritrea, oo uu ku tilmaamay laba dal oo muddo dheer xiriir dhow la lahaa Ruushka,, sidaa darteedna ay walaac ku hayaan Moscow.

    Intii uu socday dagaalkii u dhexeeyay Itoobiya iyo Eritrea, Ruushka oo xiriir dhow la lahaa labada dal ayaa hore ugu baaqay inay ka fogaadaan iska horimaad, xoojiyaan tallaabooyinka lagu dhisayo kalsoonida, khilaafaadkoodana ku xalliyaan wadahadal.

20. 27 Oktoobar 2026War deg deg ah, Khubaro Shiine ah oo ku biiray hawlgalka samatabbixinta dadka ku hoos jira burburka Eastleigh

    Koox Shiine ah oo ka tirsan hay’adda samatabbixinta ee Blue Sky Rescue ayaa ku biirtay hawlgalka lagu baadigoobayo dadka ku hoos xanniban burburka dhisme ku dumay xaafadda Eastleigh ee magaalada Nairobi. Kooxdu waxay adeegsanaysaa qalab gaar ah oo lagu ogaan karo dadka nool ee ku jira burburka hoostiisa.

    Xildhibaanka deegaanka Kamukunji, Yusuf Xassan, ayaa sheegay in kooxdaasi ay ogaadeyn laba qof oo nool, kuwaas oo ku jiray qaybta hoose ee dhismaha. Arrintan ayaa sare u qaadday rajada laga qabo in dad kale oo badbaaday la helo.

    “Galabta, kooxda samatabbixinta ee Shiinaha ayaa hawlgalka ku soo biirtay iyaga oo wata qalab gaar ah. Waxay durba ogaadeyn laba qof oo nool, kuwaas oo ku jiray qaybta hoose ee dhismaha,” ayuu yiri Xassan.

    Blue Sky Rescue waa hay’ad aan dowladeed ahayn oo laga leeyahay Shiinaha, kana qaybqaadata gurmadka xaaladaha degdegga ah, oo ay ka mid yihiin raadinta iyo samatabbixinta dadka ku xannibma masiibooyinka sida burburka dhismayaasha, dhulgariirrada iyo daadadka.

    Hay’addu waxay adeegsanaysaa kooxo si gaar ah loo tababaray iyo qalab casri ah si ay u baadigoobaan dadka badbaaday ugana qaybqaataan hawlgallada samatabbixinta.

    Dhismaha oo weli dhismihiisu socday ayaa dumay Jimcihii, 23-kii Oktoobar, taas oo dhalisay hawlgal gurmad oo degdeg ah, iyadoo qoysasku raadinayeen xog ku saabsan eheladooda ku jiray dhismaha.

    Ciidamada Difaaca Kenya (KDF) ayaa sheegay in ilaa hadda la soo badbaadiyay lix qof, halka kooxaha gurmadku ay weli baadigoobayaan dad kale oo ku hoos jira burburka.

    War ay soo saareen Isniintii, 26-kii Oktoobar, ayay KDF ku sheegeen in laba qof oo kale la soo badbaadiyay intii ay socdeen hawlgallo dambe, kuwaas oo la geeyay Isbitaalka Qaranka Kenyatta, iyaga oo xaaladdoodu deggan tahay, si halkaas loogu sii daweeyo loogulana socdo xaaladdooda caafimaad.

    Dhanka kale, Guddoomiyaha Gobolka Nairobi, Johnson Sakaja, ayaa su’aalo ka keenay rukhsadaha dhismaha, waxa uu sheegay in dowlad-goboleedka Nairobi ay bishii Oktoobar 2024 oggolaatay in dhismaha, oo markii hore loogu talagalay degaan oo keliya, loo beddelo mid ganacsi iyo degaanba loo isticmaalo, balse aanay ansixin naqshadaha dhismaha.

    Sakaja ayaa sidoo kale su’aal geliyay sida dukaamada loogu oggolaaday inay ka shaqeeyaan dabaqa hoose, iyadoo ay jireen warar sheegaya in dhismuhu aanu haysan shahaadada oggolaanshaha deggenaanshaha ama isticmaalka.

    Xafiiska Agaasimaha Dacwad-oogista Dadweynaha ayaa Waaxda Baarista Dambiyada (DCI) ku amray inay baarto duruufihii sababay burburka dhismaha, oo ay ku jiraan doorka ay ku lahaayeen mas’uuliyiinta maamulka gobolka iyo qandaraaslaha dhismaha.